veengy
خالد ال بريك | كلمات فواز ناوي - شيخ شمل الشعر | مهداه الى الشاعر ياسر التويجري (حصرياً) | 2022
تنبية : نسخك للمحتوى او عادة رفعه يعرض قناتك للاغلاق .
إشترك وفعل التنبيهات في قناة المصمم زياد العتيبي الرسمية للحصول على الجديد
https://2u.pw/9fk7O
خالد ال بريك - شيخ شمل الشعر (حصرياً) | 2022
Khaled Al Brik - Shaykh Shamil Alshier (Exclusively) | 2022
مهداه الى / الشاعر ياسر التويجري
كلمات : فواز ناوي
اداء : خالد ال بريك
تصميم : زياد العتيبي
لمتابعة المصمم زياد العتيبي عبر التواصل الإجتماعي:)
https://bio.site/ZiyadBinMetlb
الكلمات :
يامكسرة اللحون الليل ساري
وليلتي ليلة كبار وهي كبيره
لو تزاحمنا على باب الطواري
والطواريق القويه والعسيره
ماطلعت الا وانا كاتب وقاري
مايشد الانتباه ومايثيره
معظم الاصحاب مايدرون داري
ويحسبون الاوله بنت الاخيره
والا انا اغني بكيفي واختياري
الخطير اللي تقاليدي خطيره
كل ليل لي جواد ولي مساري
وكل صبح لي معه قصه قصيره
تختلي نفسيتي فيني واداري
منهج العالم وتفكيره وسيره
يالله انك لاتوريه انكساري
واحد ينخا على كسري قصيره
طعنوني بالسيوف وبالشباري
ودهم في طيحتي دون المغيره
مير انا راس على الصملات ضاري
بدوي ينقل الحمله بعيره
انتحر واموت ماهل العباري
موتت الرجال اخير من الكسيره
راس مال البدو سادات الصحاري
ختم شمل وذود واماره وديره
وراس مال الحظر فمجمع عقاري
ومارواه الترمذي وابو هريره
والا انا لا طال صبري وانتضاري
مادخلت بمعمعت شك وحيره
اتمثنا نجد كن الدار داري داري
وانحر اللي كن مافي نجد غيره
عنزيٍ لا يهاب ولا يداري
شيخ شمل الشعر في شبه الجزيره
يلبسون البشت بالحفل الوزاري
ويلبسه ياسر بالاحداث الشهيره
طلعته طلعت عقاب الانتحاري
يوم خلا نجد تجفل من هديره
باب قصره يشبه لباب الطواري
تدخله مكسور تطلع بالجبيره
ايه ياياسر ترى الوظع اظطراري
لاتبقي لاسلاح ولا ذخيره
طالبك يابو محمد لاتداري
هالزمان اللي ماداراني ظميره
تكلي في معصمك قبل انهياري
لاتخلي خاطري يلقى مصيره
طيبك وذكرك مع الركبان جاري
وسيرتك ماهي بحي الله سيره
السحاب اللي سقى وجه الخباري
ساعدك مجراه ماكفك محيره
كل قوس له من الاجواد باري
والمجير الله من الدنيا يجيره
فيك اماري والقبيله بك تماري
عقب اللي ماعرِف شره وخيره
واسلم وسلم وذي ضيقة عصاري
تستثير اللي زمانه مستثيره
وجبتهالك وانت بارودي وناري
ووالذخر والوجه الابيض والذخيره
